حمدباری تعالیٰ
آتش کیانی
بوٹا بوٹا ڈالی ڈالی اوہدی مُکھ وکھالی اے
وحدت دریا ٹھاٹھاں مارے الف دی شان مثالی اے
ون سونیاں روپاں اندر نوبت اوہدی وجدی اے
تھاں تھاں اُتے نظری آوے ہر تھاں اوس سنبھالی اے
اسماناں نوں چھوڑ کے اوہنوں نوٹ کے اکھاں لبھاں میں
اس گنبد وچ وسدا تکاں جہڑا ہر دا والی اے
ہر ہر پھُل وچ رنگ اے تیرا پھُل کھڑنی دے وچ ہاسا
چن دے اندر لاٹ نورانی سورج روپ جلالی اے
لکھاں اوگنہاراں وچوں اک میں وی اوگنہارا
ہتھ بنھ رحمت منگے آتش بے شک عملوں خالی اے
