شان پنجتن پاک دا
عبدالحمید نظامی
جند جان واراں پنجتن پاک اُتوں میرا دل تے میری نیں جان پنجتن
صدقے جہناں دے میرے ایہہ چار ساہ نے میری روح دے روحِ روان پنجتن
ساہ ایس حیاتی دے مُک جاون مینوں مل جائے میرا ارمان پنجتن
میرے آقا تے حسن حسین دونویں بی بی زہرا تے شیرِ یزدان پنجتن
کلمہ حج زکوٰۃ دے ہین پیکر پنجے وقت صلوٰۃ اذان پنجتن
بادشاہاں دے جاہ جلال صدقے جاری جگ اُتے ہے فرمان پنجتن
پنجے دین اسلام دے تھم سوہنے ایس جگ دے سخی سُلطان پنجتن
ایہناں نال ہے وسدا جگ سارا ایس باغ دے ہین باغبان پنجتن
سوہنے دین اسلام دے باب اندر لِکھے ہوئے نیں پاک عنوان پنجتن
بس میری نظامیؔ اے گل اکو میرا دین تے میرا ایمان پنجتن
