نعت رسولؐ مقبول
طاہر وزیر آبادی
ہویا عاشق جہڑا آیا سوہنےؐ دی جھات دے اندر
خدا نے پھل رکھے نیں سوہنےؐ دی بات دے اندر
میرے دل وچ خدا دی سونہہ اویسیؓ ہوک اٹھدی اے
بلالیؓ عشق منگدا ہاں میں ہر ہر رات دے اندر
اوہ بوہے غار توں مکڑی نے انھے کر کے ٹورے سی
جو نکلے سی برے سارے سوہنےؐ دی گھات دے اندر
کہواں جے چن ورگا میں سوہنےؐ دی شان گھٹدی اے
اوہ چانن آپ ونڈدے نیں سدا سوغات دے اندر
کدی غاراں‘ کدی مسجد‘ گناہگاراں دی بخشش لئی
رہے روندے میرے آقاؐ سدا برسات دے اندر
ہویا دو لخت چن طاہر سوہنے دے اک اشارے تے
سوہنا رب آپ وسدا سی آقاؐ دی ذات دے اندر
