غزل
شکیل امجد صادق
میں مہینہ سالاں اتے رکھیا اے
اوہدا وعدہ اکھیاں اتے رکھیا اے
جیکر دوزخ اگاں جمدی پھردی اے
میں وی سورج تلیاں اتے رکھیا اے
اوہدی قدرت دے لئی ایناں کافی اے
اک اک دانہ چھلیاں اتے رکھیا اے
اوہدی زلف تے رات دی رانی لگدی اے
اوہدا عکس وی پھلاں اتے رکھیا اے
پگ تہاڈی پیراں دے وچ پینی جے
اوس نیاں ہن قسماں اتے رکھیا اے
ہن تے وا دے نال ای رولہ غولہ اے
تائیں ہتھ چراغاں اتے رکھیا اے
