غزل
عاشق
سانوں تے ہر واری قسمت لٹ جاندی اے
بوٹے آس امیداں والے پٹ جاندی اے
ساڈی کوئی وی گڈی کدی نہ تارے لگی
بلے دے وچ آ کے ہر اک ٹٹ جاندی اے
تیری یاد نے کدی نہ ہسن کھیڈن دتا
بلی وانگر آ کے گچی گھٹ جاندی اے
اوہدے اُتے بس نہیں کردی جاندی واری
دوویں نین کٹورے مودھے سٹ جاندی اے
پت جھڑ ویکھ کے اکھیاں اکیاں پیا اُڈیکاں
کدوں بہاراں آئون‘ کدوں ایہ رت جاندی اے
ہن تے میں نہیں سوندا عاشق کسراں سوواں
اوہدی یاد نکھٹی میتھوں چھٹ جاندی اے
