شہادتِ حسینؑ
سلیم نجمی
جگوں وکھری اے عبادت حسینؑ دی
نیزے تے کرنی تلاوت حسینؑ دی
یزید اگے کدے سر نہیں جھکانا
دیندی اے سبق شہادت حسینؑ دی
جھنڈا کر گئی اُچیرا ویکھ دین دا
کیتی کفر نال بغاوت حسینؑ دی
یزید کل وی جھوٹا اج وی جھوٹا
ویکھ کر نہیں گئی صداقت حسینؑ دی
سارا کنبہ کوہایا نانے دے دین توں
ویکھ کر بلا وچ سخاوت حسینؑ دی
حر چھڈیا سی ویکھ کے سنگ کفر دا
جنت لے جاوے گی امامت حسینؑ دی
گل حق دی ہووے نجمی جان دیویں
ایہہ دس گئی سانوں شجاعت حسینؑ دی
