غزل
ندیم افضل ندیم
جیہڑی کل دا کہہ جاناں ایں اوہو تیری کل نا آوے
ایہ نا ہووے میں ہی آکھاں ہن کوئی ساڈے ول نا آوے
درگاہواں تے منتاں منگیاں توں نئیں میرا ہویا فیر
خورے کیہ لیکھاں نوں ہویا آس دے بوٹے پھل نا آوے
ہر اک دکھ مصیبت دا میں کوئی نا کوئی حل کر لینا
تیرے باہجوں کیویں جینا اس مشکل دا حل نا آوے
میں اوہدے نال کھریاں کیتیاں سن کے دور اوہ بیٹھا اے
اکو میں جے جھوٹ جے بولاں اوہ میرے کول چل نا آوے
جنیاں دل ای کر لے یارا تیرے اج پروہنے ہاں
ایسے گل دا بھرم اے رکھیا کیہ گل سانوں گل نا آوے
توں افضل نوں سینے لئوان دا چناں وعدہ کیتا سی
ادھیوں بوہتی گزر گئی ایہ اوہو چندرا پل نا آوے
بھلیکھا اخبار، ٹیلی وژن اک پنجابی دے ودھا واسطے سلاہن جوگ کم کر رئیا اے
اللہ پاک اے جذبہ سدا جوان رکھے آمین