کمپیوٹر
دلشاداحمد چن
اج دنیا اے کمپیوٹر دی
تے گڈی کار سکوٹر دی
کمپیوٹرر دے وچ گیماں نیں
کمپیوٹر دے وچ میماں نیں
اس بن تعلیم ادھوری جی
کمپیوٹر بہت ضروری جی
ایہ ویلے دی مجبوری اے
ایہ سکھنا بہت ضروری اے
ہے جگ تے راج کمپیوٹر دا
ایہ جگ محتاج کمپیوٹر دا
ایہ سائنس ڈیزائننگ دسدا اے
ایہ دنیا دے وچ وسدا اے
ایہ دسے راز ترقی دا
کمپیوٹر ساز ترقی دا
بندے دا پابند اے چنا
اس وچ دنیا بند اے چنا
بندا ایہنوں جد وی کھولے
کردا گلاں مونہوں بولے
