غزل
سلیم نجمی
ہر اِک مُکھ تے نظر ٹکائی پِھرنے آں
جگ دی بھیڑ چہ یار کھڑائی پھرنے آں
دائیاں ورگی اکھ اے چندرے لوکاں دی
ہاسے پِچھے غم لکائی پھرنے آں
پیار پچاون دے لئی یار فقیراں دا
لوکاں ساہنویں بھیس وٹائی پھرنے آں
لنگھ گیا اے ویلا رانجھے ہیراں دا
ایویں اپنے کن پڑوائی پھرنے آں
پاگل آں ناں تاں تے گھر دے بوہیاں توں
اچیاں نال یارانے لائی پھرنے آں
ہوندا کجھ نہیں ساتھوں ایویں ای
ککڑاں وانگوں کھہہ اڈائی پھرنے آں
پلے نہیں اے دھیلا فِر وی نجمی جی
لٹھے پاکے ٹوہر بنائی پھرنے آں
