گیت
اعجاز
شلوک ہاں فرید دا میں
باہو دی میں ہوک ہاں
بیلی آں میں رانجھنے دا
ونجھلی دی کوک ہاں
ڈھولے ٹپے بولیاں تے جگنی دی شان ہاں
ککلی دا گھیر ہاں میں،
گِدھیاں دی جان ہاں
چیترے دا روپ ہاں میں
پرے والی شوک ہاں
دلے والی سک شاہ حسین دا خیال ہاں
وارثے دی ہیر ہاں میں
بلھے دی دھمال ہاں
پانیاں دا گیت ہاں
کپاہ توں ملوک ہاں
چاننے دی جوہ وچ نھیریاں دا راج اے
جگدا خیال میرا اگانہ ودھو واج اے
بھیت ہاں پرانا کوئی
سانجھ ہاں، سلوک ہاں
