غزل
عبادنبیل شاد
اکھ ملا کے سوچ رہیا واں
ویر کما کے سوچ رہیا واں
خورے اندروں مخلص نہیں میں
ہتھ ودھا کے سوچ رہیا واں
اگے ودھنا‘ مجبوری اے
پچھے آ کے سوچ رہیا واں
ساہویں گوڑھا سجن سی نا
کنڈ لوا کے سوچ رہیا واں
کہڑے پھٹ نوں کتھوں ڈمھاں
بھٹھی تا کے سوچ رہیا واں
پیڑاں کتھے سانبھ کے رکھاں
گھر لیا کے سوچ رہیا واں
اندروں کنا کلا واں میں
شہر وسا کے سوچ رہیا واں
شادؔ حیاتی کنی اوکھی
اج لنگھا کے سوچ رہیا واں
