پیار دی کٹوری

بھپندرپنیوالیا

رات چاننی پیار دی کٹوری
تیرے اُتوں قُربان تیری گوری
تیرے مُوہرے پیار دی الکھ جگائی
وے چیرے والیا کیوں پائی تُوں جُدائی
عُمراں دا ساتھ ساڈا رب نے بنایا
ماپیاں نے لبھ تینوں لڑ تیرے لایا
اِک اِک ساہ جِند تیرے لیکھے لائی
وے چیرے والیا کیوں پائی تُوں جُدائی
مندا کہہ بھاویں آکھ وے توں چنگیاں
میں تاں ساری تیرے عِشق چ رنگیاں
ہر پل رہاں تیرے پیار چ نشیائی
وے چیرے والیا کیوں پائی تُوں جُدائی
پل دا وِچھوڑا تیریہوندا ناہیں جھل وے
تیری جُدائی پاوے سینے وِچ سل وے
ہو جاندی ہاں میں جھلی اتے سُدائی
وے چیرے والیا کیوں پائی تُوں جُدائی
سوہنا تیرا مُکھ سوہنا تیرا دِل وے
دُور کاہتوں کھڑیں سینے لگ کے مِل وے
میں تاں بس پیار تیرے دی ترِہائی
وے چیرے والیا کیوں پائی تُوں جُدائی