غزل
الیشع ایاز
یاداں والیاں رڑکاں کڈھ نہ سکے
ہنجوواں وچوں پلکاں کڈھ نہ سکے
تیرے بھرم دے پاروں ہن تائیں بھلیا
موہوں سچیاں گلاں کڈھ نہ سکے
اوہناں جوڑے دے وچ پھل سجانا کیہ
جو والاں وچوں اڑکاں کڈھ نہ سکے
جیون ڈوری تے سلجھا لئی سی
اک ویلے دیاں گنجھلاں کڈھ نہ سکے
مونہ توں لیکاں تے سن دھو لئیاں
پر شیشے چوں تیڑاں کڈھ نہ سکے
دن دیہاڑے سُفنے ویکھن والے
سورج ساہویں اکھاں کڈھ نہ سکے
رل گزارے ویلے چیتے رکھیں
معاف کریں جے عمراں کڈھ نہ سکے
