غزل
انور اُداس
مینوں جِیوَن چج نہ آیا
پیکے گھر میں بھُلّی رہی تے کھیڈیں وقت لنگھایا
جو من آیا سویو کیتا سُکھّیں راج ہنڈایا
نہ سکھیاں سنگ میں رَل بیٹھی نہ میں چرخہ ڈھایا
نہ میں ہتھّی نوں ہتھ لایا نہ تکلے تَند پایا
نہ میں کِتے اَٹیریاں چھلیاں نہ میں داج بنایا
پئی ڈولی تے آن کہاراں ڈولی نوں جھَٹ چایا
ساہوَریاں گھر جاوَن لگیاں دِل ڈاڈھا گھبرایا
مائے نی! فر کیہ دَسّاں میں رو رو حال گوایا
مینوں جِیوَن چج نہ آیا
