غزل
منصور عزمی
جے کر تیرے اندر ذرا پیار وی نہیں
سمجھ فِر کسے دا توں غمخار وی نہیں
بے شک بولی بولیں فرشتیاں وانگوں!
محبت دے بن تیرا اعتبار وی نہیں
توں پِتل دے وانگو رہویں کھڑکھڑائوندا
توں جھانجر تیرے وچ چھنکار وی نہیں
لگن نال پہاڑاں نوں کر دیویں چُورا
علم بِن عشق دے توں پھلدار وی نہیں
کھوا دے غریباں نوں توں مال سارا
ہے مِٹی جے اُس وچ ذرا پیار وی نہیں
بے شک اپنا جُثا سڑا دے توں اگ وچ
بِنا پیار دے ایہہ کِسے کار وی نہیں
ہے عشقے دا اکھر میرا رَبّ عزمیؔ
توں اکھراں دا وڈا تے کھڈکار وی نہیں
