شام ڈھلے

امرجیت سنگھ سندھو

ظلم گزارن، دھاہاں مارن، ہوکے ہاوے شام ڈھلے
یاد ستاوے، چین نہ آوے، دل گھبراوے شام ڈھلے
جگ دے میلے، پیسے دھیلے، وچ دل کھیلے سارا دن
ہو نڈھال دل، دن دے نال دل، ڈُبدا جاوے شام ڈھلے
آر پار وچ، کم کار وچ، اِنتظار وچ لنگھدے دن
برہوں ماری، جِند وچاری، غوطے کھاوے شام ڈھلے
کلم کلی، حجراں سلیاں، درداں ملیں جِندڑی کول
کھلے در وچ، اجڑے گھر وچ، کوئی نہ آوے شام ڈھلے
ہنجو پا کے، دیپ جگا کے، در’تے جا کے، رکھ اے دل
سجن در توں، نیرے گھر توں، پرت نہ جاوے شام ڈھلے
ایہہ کم ذاتاں، نھیریاں راتاں، دین سوغاتاں ہجر دیاں
ہسدا دسدا، اوہی جس دا، چنن چڑھ آوے شام ڈھلے
مرد ستاؤندے، جان سکاؤندے، پی کے آؤندے رات گئے
کس لئی ناری، کرماں ماریں، دھرے پکاوے شام ڈھلے
نہ ہی لیاؤنی، نہ مونہہ لاؤنی، قسم پگاؤنی، کہہ تاں لیا
پل وچ ڈھیہہ گئے، چھن وچ ویہہ گئے، جھوٹھے دھاوے شام ڈھلے
تن چ تھکیواں، من چ اکیواں، جاں ترسیواں اکھرے کیوں
ڈھول جے آوے، سینے لاوے، سُنے سناوے شام ڈھلے
ہرسے، سرسے، امرت برسے، اوہ کیوں ترسے، اے سندھو
سوہلا پڑھ کے، کوٹھے چڑھ کے، جو سوں جاوے شام ڈھلے