پتناں دا موہ

بھپندرپنیوالیا

کدی پتناں دا موہ کدی پانیاں دا موہ
سدا ہے سکون دیندا سجنا تے ہانیاں دا موہ
موہ دِیاں تنداں رہن دِل نال جُڑیاں
رنگیاں پیار وِچ جِنداں پِچھے نہیوں مُڑیاں
کِنا چنگا لگدا ہے عِشق کہانیاں دا موہ
کدی پتناں دا موہ کدی پانیاں دا موہ
کئی دولتاں دے پِچھے رہن سدا بھجدے
کردے نے لُٹاں پر پھِر وی نہ رجدے
پیسے نال قائم رہِندے بانیاں دا موہ
کدی پتناں دا موہ کدی پانیاں دا موہ
محلاں والے چھڈدے نہ موہ پِچھے راج نوں
رِشتیاں دا گھان کر لیندے دھار تاج نوں
حرم شاہیہوندے راجے رانیاں دا موہ
کدی پتناں دا موہ کدی پانیاں دا موہ
چھڈ جان بھاویں بھُل جان کیتے اقراراں نوں
دِلوں وِسار دینے بھاویں مِتراں تے یاراں نوں
دِلاں وِچ قائم رہِندے مر جانیاں دا موہ
کدی پتناں دا موہ کدی پانیاں دا موہ
ممتا وِچ بھِجا موہ سدا بچیاں نوں پالدا
ہور کوئی موہ نہیں جو ہووے ماں دے پریم نال دا
بڑا کُجھ زر لیندے سُگھڑ سُوآنیاں دا موہ
کدی پتناں دا موہ کدی پانیاں دا موہ