غزل

سلیم دلاوری

کجھ تے دھڑکن مٹھی ہوندی رولے لگدا پیار میرا
جی کردا سی تھوڑا کو چر ہور نہ جاندا یار میرا
اکھیوں اولھے حشراں تیکر اللہ دی سونہہ ہوندا نہ
دل دیاں اکھاں نال اوہ رتکدا جے کر شوق دیدار میرا
نہ کلی نہ جلی باقی پتہ ٹھکانا دساں کیہ
ورھیاں توں آں شوہ دریا وچ آر میرا نہ پار میرا
اج تے خورے اوندیاں اوندیاں کیہ اس جادو کیتا اے
بجھدا دیوا لٹ لٹ بلیائے اوہنوں وہندیاں سار میرا
جو تساں نوں چنگا لگدائے اوسے نال بلاندے رہو
کیہ کرنا جے میتھوں پچھ کے ناواں ہن سرکار میرا
فیر سلیم اوہ میریاں سدھراں دا گل اسراں گھٹ دانہ
تھوڑا جیہا وی لگدا ہوندا اوہنوں جے کر بھار میرا