قبراں
شفیق قریشی
زہر دیاں ترسولاں اُتے
چانن پاندا پھیرے
قبراں چار چفیرے میرے
قبراں چار چفیرے
نھیرے دے وچ سائے دسدے
کیہ میرے کیہ تیرے
قبراں چار چفیرے میرے
قبراں چار چفیرے
تھوہر دیاں واڑاں توں اگے
میرے پندھ لمیرے
قبراں چار چفیرے میرے
قبراں چار چفیرے
روحاں مینوں واجاں مارن
لے لے ناویں میرے
قبراں چار چفیرے میرے
قبراں چار چفیرے
چن دی رات اماوس والی
دل وچ ڈر دے ڈیرے
قبراں چار چفیرے میرے
قبراں چار چفیرے
میرا اپنا سایا لگے
روندا وچ انھیرے
قبراں چار چفیرے میرے
قبراں چار چفیرے
