نعت شریف
عبدالحمید نظامی
ہے اگ ہجر بلی وچ
یاداں تِریؐ گلی وچ
جنتوں سدھیاں آئیاں
چھاواں تِریؐ گلی وچ
آئیاں کٹھیاں ہو کے
مہکاں تِریؐ گلی وچ
اپنی مراد پاون
آساں تِریؐ گلی وچ
اکھیاں درودی ہو کے
وسیاں تِریؐ گلی وچ
پڑھدا اے ہر ساہ میرا
نعتاں تِریؐ گلی وچ
فرقت دے وچ لنگھن
راتاں تیریؐ گلی وچ
کہندی اے حور جنتی
آواں تیریؐ گلی وچ
ذرے وی کردے گلاں
باتاں تِریؐ گلی وچ
شاہواں نوں ملدیاں نے
سدھراں تیریؐ گلی وچ
مقدر وی کھول دا اے
بانہواں تِریؐ گلی وچ
سُنیاں غمِ حسینی
ہاواں تِریؐ گلی وچ
