خارش ہوندی اے

امرجیت سنگھ سندھو

شیطانی دی فِر کد خارش ہوندی ہے
خون پسینے دی جد مالش ہوندی ہے
مارو وارو جو ہوندے نیں میرے دل تے
روز میرے دم خم دی ورزش ہوندی ہے
خود تے لاگُو کرنے پین اصول جدوں
پھیر اصولاں دی ازمائش ہوندی ہے
جبر اوہدا، سبھ صبر نال پروان کرن
ایہہ کیوں ہر جابر دی خواہش ہوندی ہے
آزادی وی آپ مہاری نہیں ہوندی
آزادی وچ وی کجھ بندش ہوندی ہے
اندر میرے اتھرو تپ تپ چوندے نیں
باہر الزاماں دی بارش ہوندی ہے
بے انصافی دیکھ کے دل چپ رہندا نہیں
’نہ بولاں’ میری ایہہ کوشش ہندی ہے
اُس نوں لکھن دے چکر وچ پا دیندے رب
جس دی قسمت دے وچ گردش ہوندی ہے
بدھی جیویاں دی پنجابی توں توبہ
ایہدے توں تاں سوکھی انگلش ہوندی ہے
قسمت دے رگڑے توں نہ ڈر اے سندھو
شخصیت ایداں ہی پالش ہوندی ہے