غزل
ارشاد کھوکھر
زندگی دو تن چار دناں دی
لٹیے موج بہار دناں دی
ککھوں ہولا ہو جائے بندہ
پیندی جد وی مار دِناں دی
آپ جوانی پائے مصیبت
من کے مزے دار دناں دی
تیرے ن اویں لا چھڈی اے
زندگی کئی ہزار دناں دی
ست دن آئوندے خوشیاں لے کے
کوئی وی نہیں اتوار دناں دی
چھم چھم اکھاں روئیاں میریاں
جد یاد آئی پیار دناں دی
سدھی سادھی ویکھن وچ سی
پر نکلی مٹیار دناں دی
پیر جمعہ کیہ روز ای مل توں
سجناں توڑ دیوار دناں دی
گل کر صحت دی ارشاد
چھڈ کہانی بیمار دناں دی
