لکھا لیا میتھوں
امرجیت سنگھ سندھو
مرن دا حق لکھا لیا میتھوں
مینوں اُس نے بچا لیا میتھوں
توں جو نظراں جھکا کے بیٹھا ایں
کجھ تاں ہے جو لکا لیا میتھوں
جان توں وی قریب سیں، پھر کیوں
فاصلہ توں بنا لیا میتھوں
اس کسے ہور دے بھلیکھے وچ
خط میرا ہی پڑھا لیا میتھوں
جان ویلے کیہ اس نوں بھیٹ کراں
دل تاں پہلاں لکھا لیا میتھوں
بھل گیاں اس نوں، وقت ظالم نے
ہائے! ایہہ کیہ کرا لیا میتھوں
وقت کروٹ لئی ذرا جنی
یار نے ہتھ چھڈا لیا میتھوں
شعر اظہار کر گئے سندھو
سچ قلم نے بُلا لیا میتھوں
