غزل

ندیم افضل

جھلیے دریا پار نہیں کیتا جا سکدا
کچیاں تے اتبار نہیں کیتا جا سکدا
دولت والیا ہر گل تیری من لواں؟
کیہ تینوں انکار نہیں کیتا جا سکدا؟
اس دیاں رمزاں کاغذ تے کنج لیک دیاں
دل نوں تے اخبار نہیں کیتا جا سکدا
اپنے لبھ مورخ شاوائے ساتھوں تے
کھنمباں نوں ہن ڈار نہیں کیتا جا سکدا
ہاسے وچوں لبھو میرے دکھاں نوں
رورو کے اظہار نہیں کیتا جا سکدا
پگاں ویچ کے سر نوں واپس لے آئیے
انج دا کاروبار نہیں کیتا جا سکدا
جنہے پہلے اک دو دھوکھے دتے نیں
اوہدے تے اتبار نہیں کیتا جا سکدا
جو جو کیتی یاد اے عشقا تینوں وی
سر اُتے اسوار نہیں کیتا جا سکدا
ظالم نہیں اکھوانا اس لئی ساتھوں تے
ڈگیاں اُتے وار نہیں کیتا جا سکدا
اک ماڑے جئے دل ٹُٹن تے افضل جی
دامن تارو تار نہیں کیتا جا سکدا