غزل
بابا نجمی
کوئی وی لے کے آئوندا نہیں جے انگ نواں
رنگاں دے وچ رل کے بن دا رنگ نواں
نویں گوانڈھی آ گئے مینوں دسدا اے
ویڑھے دے وچ ڈگن والا سنگ نواں
گھر وچ اک کتاب پئی اے صدیاں توں
جد وی کھولاں اوہدا لگے رنگ نواں
توں تے اپنے گھر وچ شینہہ نوں بدھا اے
بلی دا وی کردا بچہ تنگ نواں
دھپاں وڑیاں چھاواں وچ نیں ہویا کیہ؟
پھُلاں دا تے کنڈیاں دا نہیں سنگ ن واں
بال نیں سُتے بھکھن بھانے جھورا کیہ
مینوں ایہہ نہیں وجا بابا ڈنگ نواں
