نعت شریف

عبدالحمید نظامی

ایہہ چن تارے سورج سویرے نہ آوندے
ستارے کدی وی راہ نہ وکھاوندے
اُجالے کدی وی نہ دسدے نظامیؔ
جے سوہنے آقا محمدﷺ نہ آوندے
رب نے اوہ مننی جو سوہنے منائونی
رب کولوں گنہگار امت بخشائونی
کر کے اکھٹیا سب نوں خدا نے
محبوب اپنے دی عزت ودھائونی
وعدہ نظامیؔ خدا نے نبھا کے
جو آکھی سی اوہو کر کے وکھائونی
فرمایا رب نے سوہنے نوں سد کے
نہیں کوئی پیارا تیرے کولوں ودھ کے
تیری رضا دا طالب میں رب آں
جو کجھ چاہویں لے جا اوہ لد کے
ستارے کدے وی راہ نہ وکھاندے
دنیا تے جیکر محمدﷺ نہ آندے
وَکھ نہ کریندا جے رب نور اپنا!
نظامیؔ اُجالے وی مکھ نہ وکھاندے