غزل
امرجیت سنگھ سندھو
منگیں گا تاں بُکل وچلا کاسہ دسُو گا
ہٹی وچلا، ہٹیوں باہر اثاثہ دسُو گا
تیرا میرا جیون تاں دو پل دی جھاکی ہے
پانی دے وچ کنیں دیر پتاسا دسُو گا
ہر پاسے توں دیکھن یوگن بنا شخصیت نوں
خبرے کس نوں تیرا کیہڑا پاسہ دسوگا
کیہ ساگر نوں کھارے پن تے شرم نہ آؤ گی
جد کوئی اس نوں کنڈھے کھڑا پیاسا دسُو گا
دُنیا سرکس ہے، سرکس دے ہر کرتب وِچوں
اِک نوں موت اتے دوجے نوں ہاسہ دسُو گا
پاتر اتے کپاتر دی وی آس پگاؤندے جو
اُس دے در تے کوئی کویں نراسا دسُو گا
اکھاں وچ نہ اکھاں پا کے گل کریں سندھو
نہیں تاں دل دا اکھاں وچ خلاصہ دسُو گا
کس نوں نفرت نال نہارُو گا ربا! سندھو
جد ہر دل وچ اُس نوں تیرا واسا دسُو گا
