تیری یاد سجنا
بھپندرپنیوالیا
یاد تیری وِچ سجنا وے
اسیں اکھیاں بھر بھر روئے
اِک تیرے باجھوں بے دردا
اسیں نہ جِیوندے نہ موئے
کِتھے گئے تیرے وعدے سجنا
کِتھوں لبھیئے ہُن کراراں نوں
ساڈے دِل دے ویہڑے اُجاڑ پئی
اُڈیکیئے ہُن بہار نوں
لوکی وی گلاں کردے
جد بھر آؤندے نے کوئے
اِک تیرے باجھوں بے دردا
اسیں نہ جِیوندے نہ موئے
دِل نوں بہُت دِلاسے دِتے
پر سارے ہی بے کار گئے
تیری جُدائی جھل نہ ہوندی
اسیں کر اُڈیکاں ہار گئے
تیرے باجھوں دس دے ہُن
کون آکے ساڈے نال کھلوئے
اِک تیرے باجھوں بے دردا
اسیں نہ جِیوندے نہ موئے
دِل وِچ تیری تھاں اوہی
بھاویں وقت وی دُور گیا
آ جا سجنا آ جا وے
ساڈے چاواں نوں وی بُور پیا
نِت پہر دے تڑکے وے
تینوں اُڈیکاں لوئے لوئے
اِک تیرے باجھوں بے دردا
اسیں نہ جِیوندے نہ موئے
