نعت شریف
عبدالحمید نظامی
انج دل نوں پیندی ٹھنڈ نعلین مبارک تکیاں
جویں مونہہ وچ کھردی کھنڈ نعلین مبارک تکیاں
اوہ تر گئے دو جگ وچ محبوب دی عظمت والی
پا دتی جہناں ڈنڈ نعلین مبارک تکیاں
ایہہ پکی لوہے لیک نہیں دو جگ اوہدی وٹک
جس ویکھ کے کیتی کنڈ نعلین مبارک تکیاں
سرکار دی عظمت نے کڈھ دتی دوئی دی پیڑ
جویں کھادی سنڈھ سگنڈ نعلین مبارک تکیاں
سرکار بلاون گے مُکھ اپنا وکھاون گے
گئی بجھ یقین دی گنڈ نعلین مبارک تکیاں
ایوارڈ نظامیؔ لے سرکار توں نعتاں دا
ترے حصے کیتی ونڈ نعلین مبارک تکیاں
