سوڑیاں سوچاں
خالدحسین تھتھال
خبرے کتنے اُچھاڑ غلافاں
چاڑھ کے سوڑیاں سوچاں اُتے
ننگ مننگے بندے
اپنا آپ لُکائی رکھدے
نہ کسے نال دل دی کردے
نہ کسے دی پُچھدے
اکلّیاں بیٹھ کے ٹیوے لاندے
کسے دی نند یا لہائی کردے
کسے دا بھگل لاہندے
ٹُردی پھردی جیوں عدالت
کسے نوں ڈنڈ سزا کسے نوں
کسے دا بیڑہ ڈوبی جاندے
آپ اک مجھو واہ وچ پھس کے
رُڑھدے غوطے کھاندے
فیر وی باز نہ آؤندے
لِتر کھاندے نہ شرماندے
اپنی ڈُھوئی تے جمے اک دی
آپ ای چھانویں بہندے
