غزل
مجاہداقبال مجاہد
کوئی ہویا اے نہ ہونا کوئی ہے تے دس
میرے آقا ورگا سوہنا کوئی ہے تے دس
نبی سارے نیں رب دے پیارے من دا ہاں
بنیا رب دا جو پروہنا کوئی ہے تے دس
نال اشارے انگلی دے چن نچدا اے
رکھیا چن کسے کھڈونا کوئی ہے تے دس
اٹھ اٹھ سجدے راتاں نوںجیہڑا کر دا سی
امت لئی کسے نئیں رونا کوئی ہے تے دس
ایمان اساڈا روز حشر نوں اوہدے باہجھ
نئیوں سانوںکسے بچائونا کوئی ہے تے دس
کھا کے پتھر دئے دعاواں انج دا کوئی
نئیں مجاہدؔ جگ تے ہونا کوئی ہے تے دس
