نعت شریف
عبدالحمید نظامی
پہلے ساڈے دلبر سن اوہ ہن تے دلرُبا ہوگئے نیں
رقیب سی پہلے اک دو کدھرے ہن تے جا بجا ہوگئے نیں
میں ای نہیں ساں اوہناں دے شعر قصیدے پڑھنے والا
ہن تکیائے میں واعظ سارے اوہدے مدح سرا ہوگئے نیں
کسراں بچے گا اوہ روگی ، کسے حکیم تے ڈاکٹر کولوں
اوہدے ہجراں مارے سن جو سارے لا دوا ہوگئے نیں
کسے وی تھاں تے دنیا اندر کسے وی میرا مُل نہ جاتا
اوہدی نسبت دے سنگ لگ کے اوہ ہن پارسا ہوگئے نیں
خبرے کاہنوں لوک نظامیؔ پاسہ وٹ کے لنگھ جاندے نیں
ویکھو ویکھی میرے ویری ودھ کے خامخواہ ہوگئے نیں
