نعت شریف
محمد حنیف ساقی
منگدا ہاں خیرات مدینے والےؐ دی
نعت کہواں دن رات مدینے والےؐ دی
سفراں وچوں سفر نرالا سدریٰ دا
ذاتاں وچوں ذات مدینے والےؐ دی
اک اک ساہ آقاؐ دے ناویں لا دیئے
زندگی اے سوغات مدینے والےؐ دی
حسن زلیخاؑ سمجھ لیا سی یوسفؑ نوں
اوہ تے سی خیرات مدینے والےؐ دی
ناں ہووے تسکین جے روح دی‘ میں ضامن
چھیڑ کوئی گل بات مدینے والےؐ دی
امت دے لئی وچ سفر دے گزری سی
ہجرت والی رات مدینے والےؐ دی
نعت پڑھن دا سدا آیا ساقی نوں
اترے مولا نعت مدینے والےؐ دی
