غزل
مجاہداقبال مجاہد
جو پیار دی بازی ہر گیا کدی سوچیا ای
اوہ جیوندا اے یار مر گیا کدی سوچیا ای
ٹھیل دتی جس شوہ دریا چ پیار دی بیڑی
اوہ ڈبیا اے یا تر گیا کدی سوچیا ای
آیا سی شہر جو تیرے وچ آساں لے کے
عمراں لنگھیاں نیں گھر گیا کدی سوچیا ای
کھیندا سی جو ہر کسے نال گل گل تے
کیوں تیرے کولوں ڈر گیا‘ کدی سوچیا ای
سوچ تے سہی کیہ لالچ اوہنوں ہونا ایں
جو جت کے بازی ہر گیا کدی سوچیا ای
وچ شریکاں ماریا جہڑا معنہ سجناں
اوہو کم کسے دا کر گیا کدی سوچیا ای
دکھ اپنی جھولی پا کے خوشیاں دے نال
کوئی تیری جھولی بھر گیا کدی سوچیا ای
اک تیرے پیار دی خاطر ہو کے جھلاّ
کئی دھپاں پالے جر گیا کدی سوچیا ای
ہر گل ہاسیاں وچ مجاہد ٹالن والا
کیوں لما ہوکا بھر گیا کدی سوچیا ای
