نعت شریف
عبدالحمید نظامی
اساں جام کوثر دا پیتا نعلین مبارک تے
اساں ایویں کم نہیں کیتا نعلین مبارک تے
انج لگدائے کسے نے ساڈی کر دتی سدھی کھیڈ
اساں پاٹا چاک ہے سیتا نعلین مبارک تے
رہے نور گتھیرے وچ کیہ دسیے کناں چر
کنج ویلا سارا بیتا نعلین مبارک تے
اک لفظ وی لکھیا جہنے سرکار دی مدحت وچ
اوہ ہریا وی ہے جیتا نعلین مبارک تے
غزلاں دی شاعری وچ ودھ حدوں جاندے لوک
اساں توڑ وکھائی ریت آ نعلین مبارک تے
سرکار کرو منظور وچ عشق نظامیؔ تیرے
جولکھے غزل تے گیت آ نعلین مبارک تے
