حکومت بدل گئی

arif shah prohna

عارف شاہ پروہنا

ساڈے بدلے نہیں حالات حکومت بدل گئی
نہیں مُکی ظلم دی رات حکومت بدل گئی
بدلے نیں چہرے پر نظام تے پرانا اے
بدلے نظام جہڑا اوس کدوں آنا اے
کوئی سن دا نہیں ساڈی بات حکومت بدل گئی
مار مار نعرے عوام تھک گئی اے
لیڈراں دے لاریاں توں قوم اک گئی اے
ووٹاں لے کے نہیں پچھدے وات حکومت بدل گئی
ہر کوئی آ کے دیوے جھوٹھیاں تسلیاں
ایہو میرے دیس وچ گلاں نیں اولیاں
کوئی پاندا نہیں ایدھر جھات حکومت بدل گئی
آیا پروہنا گھر بھکھا یارو سوں گیا
ایہو گل سوچ سوچ سر میرا بھوں گیا
کیوں مُکدی نہیں لمی واٹ حکومت بدل گئی

اپنا تبصرہ گھلو