گیت

بھپندرپنیوالیا

سُن سُن درد وِنے بول کیویں دِل پتھر کریں گا
سن کے توں گیت میرے اکھیاںچ راوی تے چناب بھریں گا
دُکھ وے جُدائی والا ہوندا دوپہرا ہاڑٍدا
ہر اِک طعنہ رہے سینہ میرا ساڑدا
میری تھاں آکے ویکھ کیویں سارا کُجھ توں جریں گا
سن کے توں گیت میرے اکھیاں چ راوی تے چناب بھریں گا
جو دِلوں کردے پیار اوہی غم وِچ بھُجدے
بالے لہو نال دیوے پھِر کدے نہیوں بُجھدے
خُود ہی ہُن سوچ وِچار کیویں کچیاں ٰتے تریں گا
سُن کے توں گیت میرے اکھیاں چ راوی تے چناب بھریں گا
مان ساڈا تیں توڑیا پا لئیاں نے دُوریاں
سانوں کدے وی نہ دسیاں جو سن مجبوریاں
جدوں ہوؤ تینوں احساس اودوں کچیا وے کھریں گا
سُن کے توں گیت میرے اکھیاں چ راوی تے چناب بھریں گا
تیرے غم وِچ ساڈی جِند جانی مُک وے
اکھیاں چوں نیر وی آپے جانا سُک وے
پتہ لگو اودوں جدوں بازی عشقے دی ہریں گا
سُن سُن کے توں میرے گیت اکھیاں چ پانی بھریں گا