خشبو دے پینترے

خالدحسین تھتھال

کدے انج وی ہوندا ا ے
میں خیالاں نوںلفظاں وچ پرون لگناں
تے خیال اُڈاریاں مارن لگ پیندے نیں
لفظ وی چھُپن چھوت کھیڈن لگ پیندے نیں
قلم ول دیکھناں تے او ہدے اُپر سدھراں
کئی رنگاں دے باشیاں ہار دِسن لگ پیندیاں نیں
سیاہی نال سوالیہ نشان بنن لگ جاندے نیں
تکدیاں تکدیاںکاغذپانی اُتے جیوں رُڑھدا دِسد ا اے
کاغذ اُپر سوچاں تے ادھ کھڑ دیاں سدھراں
آپو وچ جھُوجن لگ پیندیاں نیں
سوچاںسدھراں دے اوپرے رنگ
آپس وچ رلن لگ پیندے نیں
کِسے وچوں ہاسہ کسے وچوں گیت
کسے وچوں ہا کسے وچوں ہُوک
تے ایہہ سارا نقش نظارہ
کاغذ تے کھلردی سیاہی نال
خوش بو دے پینترے پاندا جاندا اے
جیہناں اُپر کوئی نظم اُکردی دِسن لگ پیندی اے