غزل
الیاس آتش
چور چور کرنا ایں چور کوئی نہیں
کلاّ ایں توں گھر وچ ہور کوئی نہیں
جاگدا جے رہویں تے حیاتی تیری اے
سُتا رہیں تے تیرے جیہا ڈھور کوئی نہیں
مُردے وی اکھ نوں اگھیڑ لیندے نیں
ہوئے جے مسیحا کول گور کوئی نہیں
رچھ نہیں قلندراں دے ہتھ نچدے
کم کر سکدا ایہ ہور کوئی نہیں
عملاں دے اگے جا نبیڑے ہونے نیں
چلنا کسے دا فیر زور کوئی نہیں
آتشا میں مر مر بھالاں اوس نوں
دنیا چ اوہدے جیہا ہور کوئی نہیں
