گائون
جاوید پنچھی
میں بے نام ساں ماضی وچ وی حال وی میرا کورا
آس وی کوئی لگی ناہیں مُستقبل دی بھورا
ہُن تک گُل دوپہری نوں کوئی پھُل کیوں نہیں لگیا
روز دیہاڑی شام پوے تے دِل نوں ایہو جھورا
خورے اپنے ہانیاں نالوں کاہنوں پِچھے رہ گے
اپنے ولوں ٹُردے رہے نیں جہڑے شُتری ٹورا
کل کلاں نوں تیرے گھر دی کندھ کوئی نہ ٹپّے
کسے دے گھر وچ جان توں پہلوں سوچ لئیں توں چورا
پنچھیؔ! اوہنے ہانڈیاں لکنوں باز کدے نہیں آئونا
اِک واری جس چکھ لیا اے دیسی گھیو دا شورا
