کیہ گلاں دساں لہور دیاں
محمد یوسف طبعائی
سچ نہ بولدے ایتھے لوکی
کچ جہیاں نیں ذاتاں
اکھیں لگیاں نیں برستاں
چٹے دن تے کالیاں راتاں
سوچ توں عاری
موج بیماری
چنبڑی لوکاں تن
عجب بیماری
کئی کھابے کھاون
کئی جی ترساون
کئی کتیاں وانگوں نسدے جاون
فیرے آکھن بلے بلے
نہیں ریساں شہر لاہور دیاں
ایتھے وگڑیاں گلاں سور دیاں
نہ دامن دسدا
نہ ساغر جہیے کوئی عاشق
نہ بھگت جہے جی دار
نہ امرتا دی پریم کہانی
نہ ساحر جہے دلدار
چانن گیا ہنیرے چھا گئے
یوسف جی کیویں دساں
کیہ سناواں
ہن اے او ہ ساڈا لاہور نہیں
ہن اوہ زور شور نہیں
