جویں چاہے

امرجیت سنگھ سندھو

لازم تاں نہیں، اوہ کرے، سنسار جویں چاہے
ایہنوں اشٹ دا کرن دیو، ستکار جویں چاہے
نہ وقت نہ تھاں کوئی، نہ روپ نہ رنگ چاہاں
دیدار دوے، دیوے دیدار جویں چاہے
تیرے پتھر مارن تے، مینوں اعتراض نہیں
کر اپنی محبت دا اظہار جویں چاہے
من مرضی دا جیون تاں چننا اک طرف رہیا
نہیں موت وی چن سکدا، بیمار جویں چاہے
اوہ ملہم لگاؤندے جاں نشتر ہی چبھو دیندے
میرے غم دا علاج کرے، غمخار جویں چاہے
جو جگ چ واپردے، اوہ تاں اک خاکہ ہے
فِر اُس وچ رنگ بھرے، اخبار جویں چاہے
میں ہر اک مسئلے دا حل ڈھونڈ لیا ایداں
حل کر لئے ہر مسئلہ، پریوار جویں چاہے
اسوار بنن دی تھاں، جے گھوڑے ہی بن گئے ہو
گھوڑے نوں دڑاؤ فِر، اسوار جویں چاہے
ساہاں تے وی ٹیکس لگا، بھردی ہے خزانہ ایہہ
فِر اس نوں لٹاؤندی ہے، سرکار جویں چاہے
سنسار لئی جو وی میں سوچیا، کہہ دتی
ہُن میرے لئی سوچے، سنسار جویں چاہے