وعدہ کرو

امرجیت سنگھ سندھو

سبھ دے دِل وچ پیار دا بوٹا پلے، وعدہ کرو
اس دی ہر اک شاخ ہی پھلے پھُلے، وعدہ کرو
تپدی لوء ہتھوں کوئی پھل، بھاویں ہو جاوے شہید
مالیاں ہتھوں نہ کوئی پھل جلے، وعدہ کرو
دانہ دُنکا پا دوے جسماں چ بے شک دوریاں
اپنی خد غرضی نہ پاوے فاصلے، وعدہ کرو
روشنی کریو تسیں اے دیویو! ہر گھر چ پر
اگ تہاڈی نال نہ کوئی گھر جلے، وعدہ کرو
غم نہیں جے گھر نگر نوں ڈھاہ دوے پاگل بھچال
مشکلاں وچ ڈھیہہ نہ جاون حوصلے، وعدہ کرو
وکٹ راہ تے ڈگمگا کے ڈگ پوے کمزور جے
ایوں کرو امداد کہ فِر سنبھلے، وعدہ کرو
چین دی دیوار بن جاوو تسیں دشمن لئی
پریت مہکاں تے نہ لائیو جنگلے، وعدہ کرو
اپنے ٹیچے توں نہ رہ جائیو، جے میں نہ وی رہیا
میرے کارن رُک نہ جاون قافلے، وعدہ کرو
بھل نہ جاؤ گے اُس دی شاعری، اُس دا خلوص
ہو سکے تاں ’سندھو‘ نوں لا کے گلے، وعدہ کرو