نعت شریف
حفیظ تائب
رب دیا پیاریا! مدح تری خس خس مُو مُو پیا کردا
تیرے سوہنے قد دیاں گلاں سُرو سُرو پیا کردا
مہک اچیرے خلق ترے دی خلق نوں پچھے لاندی
جگمگ جگمگ راہ تیرے دا کُرو کُرو پیا کردا
عشق ترے نے چنبے وانگوں اندر مُشک مچایا
یاد تری وچ کوئل وانگوں دل کُو کُو پیا کردا
کملیؐ والیا! نظر کرم دی اج ہر نگھا بندہ
بے قدری دیاں پالیاں دے وچ ٹھُرو ٹھُرو پیا کردا
تیرا عکس نظر آئوندا اے مرشد باہوؐ اندر
اج وی جس دی واز دے اُتے جگ ہُو ہُو پیا کردا
رب نے جد دتے نیں مینوں اینے درد خزانے
فِر کیوں تائبؔ ہر ویلے میں مرو مرو پیا کردا
