جی کردا اے
عاصم بخاری
جی کردا اے چھڈ کے ٹر جاں کدھرے دور پراں
نظر نہ آن دو لانگاں تائیں جگ دیاں ایہہ بلاواں
اپنے وی ہن غیر نیں لگدے ایسی نوبت آئی
کوئی تے اپنا بن جاندا میں دیندا پھراں دہائی
رل مل اپنے کرن میرے نال غیراں جیہا سلوک
پھڑک کے جثے اندر رہندی جندڑی ایہہ ملوک
سب رشتے نیں جھوٹے جگ تے دنیا ہے ہرجائی
ازل ابد توں اکو رشتہ اوہی ہے سچائی
اج کل جہڑا دنیا اندر اوسے دے گن گائے
تاحیاتی دنیا اندر اوہ مشکل وچ آ جائے
