کڑی سولھاں سال دی

ارشاد کھوکھر

لٹ پٹ لے گئی سانوں کڑی سولھاں سال دی
سارے پنجاب وچ کوئی نہیں اوہدے نال دی
ویکھ کے دل اوہنوں سانبھیا نہیں جاندا
کر لے کوئی گل بات گھڑی مڑی آہندا
صدقے میں جاواں اوہدی سوہنی جہی چال دی
لٹ پٹ لے گئی سانوں کڑی سولھاں سال دی
حسن اوہدا یارو پچھے پریاں نوں کردا
نور اوہدے مکھڑے تے چھم چھم ورھدا
رب سوہنے چیز اوہ بنائی اے کمال دی
لٹ پٹ لے گئی سانوں کڑی سولھاں سال دی
قد اوہدا سرو یارو اکھاں نیں نشیلیاں
سدھ بدھ ماری گئی جدوں دیاں ملیاں
کیہ میں تعریف کراں زلفاں دے جال دی
لٹ پٹ لے گئی سانوں کڑی سولھاں سال دی
لنگھ جاندی کولوں ساڈے چپ چاپ کر کے
پانا ایں ضرور اوہنوں بھاویں پاواں مر کے
کر گئی جھلا نہیں خبر کوئی حال دی
لٹ پٹ لے گئی سانوں کڑی سولھاں سال دی