غزل
سلیم دلاوری
لبھدا نہیں سی ایس اقاتوں سوکھا کم اک کر لیا اے
اوہدے جیہا اک بت بنا کے دل دیہڑے دھر لیا اے
دنیا کولوں ڈر لگدا سی دل دے درد لُکاون لئی
ہوٹھاں اُتے چپ دا پہرہ لا کے ہوکا بھر لیا اے
دُنیا جیہڑی موت توں ڈر ڈر روز دیہاڑی مردی اے
میں اس موت توں پہلاں خورے کئی واری مر لیا اے
اوہدی بھال وچ اک ایہہ تن من ہارن اُتے جُھرنا کیہ
میں تے اوہدی تاہنگ وچ خورے ہور وی کیہ کجھ ہرلیا اے
میں سلیم ہُن اوہدے ناں دی تسبیح کرنوں سنگدا نہیں
دُنیا کولوں جناں وی ڈرنا ہے سی ڈر لیا اے
