غزل
شکیل امجد صادق
پار کہانی اللہ لیکھے
اگ تے پانی اللہ لیکھے
اوہدی اکھ دا کجلا سوہنا
سرمے دانی اللہ لیکھے
اوہدا کم ایں اوہو جانے
روٹی پانی اللہ لیکھے
جاگ آپے جمی جانی
پا مدھانی اللہ لیکھے
اکاں نال نبھائی جانویں
رات دی رانی اللہ لیکھے
بنھے نوں توں چھیڑیں ناں
ونڈ اے کانی اللہ لیکھے
لیکھ اساڈے گنجھلاں والے
تانی تانی اللہ لیکھے
پتراں نال تے سانجھاں گنڈھیاں
دھی دھیانی اللہ لیکھے
نکلی جان اساڈی امجد
خصماں کھانی اللہ لیکھے
