غزل
الیاس آتش
کر کے قول قرار وے بیبا
نہ چھڈ ہن وچکار وے بیبا
سبھے گلاں تے مُک گئیاں
کس گل دا انکار وے بیبا
تیرے لئی میں دنیا چھڈی
تونہیوں ایں منٹھار وے بیبا
تونہیوں رہبر تونہیوں مرشد
لا دے بیڑی پار وے بیبا
سارے کم توں ہتھیں کیتے
میرا کیہ کردار وے بیبا
تینوں لبھدے پھردے جھلے
کر دے حال پکار وے بیبا
ویکھاں ہوراں دے کیوں سُفنے
توں جد میرا یار وے بیبا
آتش تسا ہے نہ دیدوں
دے ہن تے دیدار وے بیبا
