خالی جیبیں یار نہیں لبھدے
ارشاد کھوکھر
خالی جیبیں یار نہیں لبھدے چپ چپیتے بہہ جا توں
کسے دے اگے ناں نہ لویں اندرو اندریں سہہ جا توں
مر کھپ گئے اوہ لوکی جہڑے پیار لئی جاناں دیندے سن
ہاسے دے کے اپنے جہڑے یار دے دکھڑے سہندے سن
آخر تیری ہار ہونی ایں ہنے ای آپے ڈھہہ جا توں
خالی جیبیں یار نہیں لبھدے چپ چپیتے بہہ جا توں
بھل جاویں توں خواب سمجھ کے دل دے اُتے لاویں نہ
اوہنے تینوں ملنا نہیوں اوہدی گلیے جاویں نہ
پیسے والے نوں آپے کہندے جتھے مرضی لے جا توں
خالی جیبیں یار نہیں لبھدے چپ چپیتے بہہ جا توں
اج کل دے تے سجن سارے پیسے دے ہیگے سکے
پیسے والے دی پوجا کردے کنگلے نوں مارن دھکے
کوئی غریب پیار کرے نہ ایہہ ارشاد کہہ جا توں
خالی جیبیں یار نہیں لبھدے چپ چپیتے بہہ جا توں
